به‌رنامه‌کانی روژ
شه‌ممه‌
هەواڵەکان18 / 11 / 2017
بۆنه‌ و رێوره‌سمه‌کان18 / 11 / 2017
پرسی رۆژ18 / 11 / 2017
اخبار18 / 11 / 2017
فیلم و دیکومنت18 / 11 / 2017
فیلم و دیکومنت18 / 11 / 2017
فیلم و دیکومنت18 / 11 / 2017
یه‌ک شه‌ممه‌
دوو شه‌ممه‌
سێ شه‌ممه‌
چوار شه‌ممه‌
پێنج شه‌ممه‌
هه‌ینی
رادیۆ دەنگی کوردستان
بەرنامە ی هەینی ٢٤/١١/٢٠١٧
بەرنامە ی هەینی ٢٤/١١/٢٠١٧
بەرنامە ی پێنج شەممە ٢٣/١١/٢٠١٧
بڵاوکراوه‌کان
به‌یاننــــــا‌مه‌و راگه‌یه‌نراو
پەیامی ماتەمینی سکرتێری گشتیی حیزبی دێموکراتی کوردستان بە بۆنەی کۆچی‌دوایی خاتوو زەینەب شەڕەفکەندی
سوپاس و پێزانین بۆ خەڵکی ڕۆژهەڵاتی کوردستان هەرەوەزی نەتەوەیی و مرۆڤدۆستانەتان بۆ بەدەنگەوەچوونی بوومەلەرزەلێدراوان جێگای شانازییە
هه‌ڵبژارده‌
هەرد هەژینی و هەست هەژین
رامان - بڕگەی یەکەم : هاوسۆزی نەتەوەیی لە رۆژهەڵاتی کوردستان بە بەشداری بەڕێز سمایل شەرەفی ئەندامی کومیتەی ناوەندی حیزبی دیموکراتی کوردستان بڕگەی دووهەم:چالاکانی مەدەنی و متمانەی کۆمەڵگا
حقایقی در مورد خامنەای و حکومتگران رژیم
کاروانی شەهیدان
هه‌واڵه‌کان
بەیاننامە: بەبۆنەی 65ساڵەی دامەزرانی كۆماری كوردستانەوە 21 / 1 / 2011 هاونیشتمانە بەڕێزەكان! خەڵكی ئازادیخوازی كوردستان! لە 2ی رێبەندانی ساڵی 1324ی هەتاوی ( 22ی ژانویەی 1946 ) دا رووداوێكی گرنگ لە مێژووی كورد دا رووی دا كە كاریگەریی زۆری لەسەر رووداوەكانی دوای خۆی هەبوو. لەو رۆژە دا لە شاری مەهاباد بۆ یەكەم جار حكوومەتێكی كۆماری بە سەرۆكایەتیی پێشەوای مەزنی كورد قازی محەممەدی نەمر دامەزرا. تەمەنی كورت بەڵام پڕلە كارو دەسكەوتی كۆماری كوردستان لاپەڕیەكی زێڕین و پڕشنگداری لە مێژووی پڕ لە هەورازو نشێوی كورد دا تۆمار كرد كە هیچ كات لە ویژدان و حافیزەی مێژوویی كورد ناسڕێتەوە. كۆماری كوردستان نزیك بە 11 مانگی تەمەن هەبوو، بەڵام سەبارەت بەوەی نوێنگەی ئیرادەی نەتەوەیی بووو لە ناخی كۆمەڵانی خەڵكی كوردستانەوە سەرچاوەی گرتبوو، لەو ماوە كورتە دا سەرچاوەی گەلێك بەرهەم و دەسكەوتی سیاسی، فەرهەنگی، كۆمەڵایەتی و ئابووریی بوو كە جێی شانازین. كورد دوای ساڵانێكی زۆر بێبەشی و بێ مافی و سەركوت، بوو بە خاوەنی دەسەڵات و چارەنووسی خۆی و ئازادی و دیمۆكراسی بە تەواوی باڵی بەسەر ناوچەی ژێر دەسەڵاتی كۆماری كوردستان دا كێشا، گەلێك گۆڤار رۆژنامە بە زمانی كوردی چاپ و بڵاو بوونەوە كە ئازادانە بیروڕای خۆیان وڕووداوو راستییەكانی كۆمەڵگەی كوردستانیان بڵاو دەكردەوە. لە ناوچەی ژێر دەسەڵاتی كۆمار دا زیندانیی سیاسی نەبووو رێبەرانی كۆمار لە خەڵك و حۆشەویستی خەڵك بوون. كۆماری كوردستان ببوو بە مەكۆو روگەی كوردە ئازادیخوازەكانی پارچەكانی دیكەی كوردستان كە بارزانییەكان بە رێبەرایەتیی نەمر مەڵامستەفای بارزانی نموونەی هەرە بەرچاویان بوون، ئەوانیش لە خزمەت پاراستنی كۆماردا لە هیچ چەشنە فیداكارییەك خۆیان نەپاراست. بە راستی لەو بارەیەوە كۆماری كوردستان ببوو بە نوێنگەی یەكیەتی و ئیرادەی هاوبەشی كورد بە گشتی. زمان و فەرهەنگی كوردی كە لە سەردەمی رەزا شا دا لە نەتەوەی كورد قەدەغە كرابوو، بەشێوەیەكی نەدیتراوو بێوێنە گەشەیان كرد، جگە لە گۆڤارو بڵاوكراوەی كوردی، خوێندن بە زمانی كوردی و هونەری كوردی بە جۆرێك گەشەیان كرد كە نووسەرانی بێگانە ناوی «رێنسانس»یان لەسەر داناوە. لە ژێر سایەی دەسەڵاتی خۆماڵیی كورددا دیاردە دزێوەكانی كۆمەڵایەتی گەیشتبوونە لانی كەمی خۆیان و زۆر كێشەء گیروگرفتی كۆمەڵایەتی روویان لە كزی كردبوو. گوزەران و باری ئابووریی خەڵك لە چاو ئەو سەردەمەو لە چاو ناوچەكانی دیكەی ئێران زۆر باشتر ببوو. ئەوانە دەسكەوتە سیاسی، فەرهەنگی و ئابوورییەكانی كورد لەو سەرەدمە زێرینە دا بوون. بەڵام دەسكەوتە مەعنەوی و رەوانییەكانی ئەم رووداوە ناژمێردرێن و لە گوتن نایەن. هەربۆیە پەیام و ئامانجەكانی كۆماری كوردستان تۆزی كۆنییان لەسەر نانیشێ و ئێستاش سەردێڕی ویست وداخوازە سیاسییەكانی نەتەوەی كورد پێك دێنن. ئەگەرچی ئەمە لەلایەك جێگەی داخە كە پاش زیاتر لە شەش دەیە خەبات و فیداكاری، كورد لە رۆژهەلاتی كوردستان بەو دەسكەوتانە نەگەیشتۆتەوە كە كۆماری كوردستان وەدەستی هێنابوون، بەڵام لەلایەكی دیكەوە رەوایی و هەقانیەتی ئەو ئامانجانە دەگەیەنێ كە كۆماری كوردستانیان لە پێناودا دامەزراو حیزبی دێموكراتی كوردستان شانازی بەوە دەكا كە هەروا وەفادارە بە ئامانجەكانی كۆماری كوردستان. خەڵكی ئازادیخوازی كوردستان! كۆماری كوردستان زۆر دەرسی بەنرخی تێدان كە لێ وردبوونەوەیان رێگای داهاتوومان زیاتر رووناك دەكەنەوە. كۆماری كوردستان لەگەڵ ئەو هەمووە شانازییەی كە بۆ میژووی كوردی تۆمار كردن، بەهۆی دەرفەتی كەم و تەمەنی كەمی، وێڕانەگەیشت هەموو دامودەزگا دیمۆكراتیكەكان یەك لەوان پاڕلمان دابمەزرێنێ. جگە لەمەش دیكتاتۆریی رێژیمی رەزا شاو نەبوونی تێكۆشانی سیاسی رێگەی لەوە گرتبوو كە حیزب و رێكخراوی جۆراوجۆر دابمەزرێن. حیزبی دیمۆكراتی كوردستان بەرهەمی خەباتی نهێنیی كۆمەڵەی ( ژ ــ ك )و نەمانی دەسەڵاتی رێژیم لەم ناوچەی كوردستان دابوو. هەربۆیە حكوومەتی جمهووریی كوردستان بە بەشداری و پشتیوانیی تاكە حیزبێك حیزبی بوو. بەو حاڵەش ئەو ئازادی و دیمۆكراسییەی لە سایەی ئەو حكوومەتەدا هەبوو ئێستاشی لەگەڵدا بێ دوای 65 ساڵ، لە هیچ قۆناغێكی مێژووی ئێران و لە هیچ ناوچەیەكی ئێراندا نەدیتراوە. ئەوەش شانازییەكی گەورەی ڕێبەرانی كۆماری كوردستان و شەخسی پێشەوا قازییە كە تا ئەو رادەیە بە بنەماكانی ئازادی و دیمۆكراسی پابەند بوون. ئێستا بە هۆی پەرەگرتنی بیری ئازادیخوازی و هەستی نەتەوایەتی و هەروەها چوونەسەری ئاگایی سیاسیی كۆمەڵانی خەڵكی كوردستان لەمەیدانی سیاسیی كوردستاندا چەند حیزب و رێكخراوی كوردی حوزووریان هەیە. بوونی چەند حیزب ورێكخراوی سیاسی لە كوردستان بە مەرجێك پێشبڕكێیەكی دیمۆكراتیك وپێوەندییەكی ساڵمیان لە نێوان دابێ و پێكەوە هاوكاری و هەماهەنگیان هەبێ، نەك هەر جێی نیگەرانی نیە بەڵكوو دیمۆكراسی و پلۆرالیزمی سیاسی لە داهاتووی كوردستان دا دەستەبەر دەكا. حیزبی دیموكراتی كوردستان بۆ گەیشتن بەو ئامانجە هیچ كۆسپ و تەنانەت مەرجێك بە رەوا نازانێ. لەم پێوەندییە دا تێكۆشاوەو لە داهاتووش دا هەوڵ دەدا ئەو پێوەندی و هاوكارییە لە نێوان هێزە كوردستانییەكان دا پێك بێ. نەبوونی هاوكاری و هەماهەنگی لەنێو هێزە پێشكەوتنخوازو دیمۆكراتیكەكانی سەرانسەری ئێران یەكێك لە هۆیە دەرەكیاكانی رووخانی كۆمار بوو. ئەمە دەستی رێژیمی پاشایەتیی ئاوەڵاتر كردەوە كە بە ئاسانی بتوانێ تەوای سەنگەرەكانی ئازادی بڕووخێنێ و باڵی رەشی دیكتاتۆری جارێكی دیكە بەسەر هەموو وڵات دا بكێشێ. ئەو كاتیش و لە سەردەمی كۆماری ئیسلامییش دا نەبوونی هاوكاری و هەماهەنگی لە نێوان هێزەكانی ئۆپۆزیسیۆندا بواری بۆ بەڕێوەچوونی پیلانی رێژیمە دیكتاتۆرەكان پێك هێناوە. حیزبی دێمۆكراتی كوردستان ئامادەیە بۆ كۆتایی هێنان بەو كەمتر خەمی و لاوازیە كە لەمێژە بەرۆكی ئۆپۆزیسیۆنی ئێرانی گرتوە لەگەڵ هەموو هێزە پێشكەوتنخوازو دێمۆكراتیكەكانی ئێران هاوكاری بكا. كۆماری كوردستان وچارەنووسەكەی دەریان خستوە كە هۆی دەرەوە هەرچەند كاریگەریش بن عامیلی یارمەتیدەرن نەك عامیلی چارەنووسساز. كۆماری كوردستان بە یارمەتیی هەلومەرجێكی جیهانی بە دوای شەڕی دووەمی جیهانیداو لە ئاكامی لاوازبوونی دەوڵەتی ناوەندی دامەزرا. پتەوكردن و پاراستنی كۆماری كوردستان لە ئەستۆی خودی كورد بوو نەك عامیلی دەرەوە. ئەو دەرسە لە كۆماری كوردستان بەجێ ماوە كە كورد دەتوانێ كەڵك لە هەلومەرجی دەوەوە وەرگرێ بەڵام بۆخۆی دەبێ دەسكەوتەكانی بپارێزێ و چاوی لە عامیلی دەرەوە نەبێ. هاونیشتمانانی بەڕێز! خەڵكی تێكۆشەرو مافخوازی كورد! لە حاڵێكدا لە ماوەی 65 ساڵی رابردوو دنیا ئاڵوگۆڕێكی یەكجار زۆری بەخۆیەوە دیوەو مرۆڤایەتی قەڵەمبازی گەورەی لە پێشكەوتن و لە دیمۆكراسی دا هاویشتوون، بەداخەوە هەلومەرجی ئێران و كوردستان رەوتی پێچەوانەی ئەم مێژوویەی بڕیوە، شانبەشانی هەوڵ و خەباتی نەتەوەی كورد بۆ وەدەستهێنانی ئامانجەكانی كۆماری كوردستان، دیكتاتۆری و سەركوتی رێژیمەكان بە تایبەتی لە سەردەمی كۆماری ئیسلامی دا پێی ناوەتە قۆناغێكی ترسناكتروبێ بەزەییانەتر. ئەو رەوتە ئەركی نەتەوەی كورد بە گشتی و هێزە ئازادیخوازەكانی كوردی قورستر كردوە. لە هەلومەرجێكی ئەوتۆدا تەنیا یەكیەتی و یەكڕیزیی بزووتنەی كورد دەتوانێ دەروویەكی روون بە رووی كۆمەڵانی خەڵكی تامەزرۆی ئازادیی كورد دا بكاتەوەو نیگەرانیی ئەوان لە داهاتوو بڕەوێنێتەوە. مێژووی كۆماری ئیسلامی ئەگەر لەلایەك بە شەڕوكێشە لەگەل نەیاران و هیزە ئازادیخوازەكانی ئێران تێپەڕیوە، لەلایەكیش بە كێشەو ململانێی نێۆخۆی دەسەڵات دا تێ پەڕیوە. شانبەشانی سەركوت و لادانی ئۆپۆزیسیۆن لەسەر رێگای خۆی، رەقیب و شەریكە دەسەڵاتەكانیشی وەلا ناوە. بە چەشنێك ژمارەیەكی زۆر لە كەس و هێزە خودییەكان ئەمڕۆ لە دژی راوەستاون. ئەمڕۆ تاقە جەناحی سەركەوتوو لە كۆماری ئیسلامی دا سوپای پاسدارانە كە دەستی بەسەر زۆربەی ناوەندە سیاسی و ئابوورییەكانی وڵات دا گرتوە. ئەم رەوتە روخسارێكی دزێوو ناشیرینی لە نێوخۆو لە نێو كۆڕكۆمەڵە جیهانییەكاندا لە كۆماری ئیسلامی وێنا كردوە. هەر بۆیەش ئەم رێژیمە لە دنیای دەرەوەدا لەگەل فشاری كۆڕكۆمەڵە مرۆڤدۆستەكان وتەحریمی ئابووریی دەوڵەتان بەرەوڕوویەو لە نێوخۆشدا لەگەڵ حەرەكەتێكی بەرینی كۆمەڵانی خەڵك. ئەمڕۆ بە خۆشییەوە بەپێچەوانەی ساڵانی رابردوو كوردستان تاقە سەنگەری دیفاع لە ئازادی نیە، بەڵكوو شەقامەكان بوونەتە مەیدانی بەربەرەكانیی میلیۆنیی كۆمەڵانی ئازادیخوازی ئێران بە هەموو نەتەوە و چین و توێژەكانیەوە. ئەگەر ئەم بزووتنەوەیە لە مەقتەعێكدا نوشوستی هەبێ گومانی تێدا نیە لە مەقتەعێكی دیكە دا بە تین و تەوژمێكی نوێترەوە سەر هەڵ دەداتەوە. ئەو بزووتنەوە بەرینەی كە لەم یەك دوو ساڵەی رابردوودا لە شەقامەكان لە گۆڕێ دابووو بە بزووتنەی سەوز ناسرا، شكلی گەشە كردوو رادیكاڵی ئەو بزووتنەوەیەیە كە لە رابردوو دا بە ویست و داخوازی ریفۆرمیستییەوە هاتە مەیدان و كاتێك سەركوت كراو پشت گوێ خرا هەم رێبەرانی ئەوكاتی بەجێ هێشت و هەم قووڵترو بەرفرەوانتر بۆوە. ئەم بزووتنەوەیەش ئەگەر هەروا سەركوت بكرێ، رێگەیەك بۆخۆی دەدۆزێتەوە كە چارەنووسساز بێ. بۆیە پێویستە ئۆپۆزیسیۆنی كورد لە پێشدا لە نێوخۆیدا و پاشان لەگەڵ ئۆپۆزیسیۆنی سەرانسەری ئێران بۆ بەرەوڕووبوونەوە لەگەڵ هەر رووداوێك لە داهاتوو دا خۆیان ئامادە بكەن. جگە لەمانەش چالاكییە ئەتۆمییەكانی كۆماری ئیسلامی و لێبڕاویی دنیای دەرەوە لە رێگە پێگرتن لە كۆماری ئیسلامی، قەیرانێكی نێونەتەوەیی بۆ ئەم رێژیمە خوڵقاندوە كە داهاتوویەكی لێڵ و ناروونی خستۆتە بەردەمی ئەم رێژیمەوە. هاو نیشتیمانانی خۆشەویست! خەڵكی خەباتگێڕی كوردستان! حیزبی دیمۆكراتی كوردستان هەروا بە ئامانجەكانی كۆماری كوردستان وەفادارە و لە پێناوی وەدیهێنانیاندا تا سەر تێ دەكۆشێ. پەیام و ئامانجەكانی كۆماری كوردستان ئێستاش لە بەرنامەی ئەم حیزبە دا جێگەیەكی تایبەتیان هەیە. 65 ساڵە كوردستان بۆتە مەیدانی بزووتنەی سیاسی و بەربەرەكانی لەگەل دیكتاتۆری. خەلكی كوردستان و حیزبی دیمۆكراتی كوردستان ئەزموونێكی 65 ساڵەیان لە درێژەدانی رێگاو رێبازی كۆماری كوردستان و خەبات لە پێناوی ئامانجەكانی ئەو كۆمارە دا وەدەست هێناوە. وشیاری و ئاگایی سیاسی و نەتەوەیی لەچاو 65 ساڵ لەوەپێش زۆر لەسەرترە و خەبات لە پێناوی دێموكراسی و مافی نەتەوەیی دا، هەمە لایەنەو گشتگیر بووە. هەر بۆیە بزووتنەوەی كورد بە وزەو پوتانسیەلێكی لە بڕان نەهاتۆوە و بە ئەزموونێكی دەوڵەمەندترەوە بەرەو داهاتوو هەنگاو دەنێ. ــ بەرزو پیرۆز بێ یادی دامەزرانی كۆماری كوردستان ــ سڵاو لە پێشەوا قازی محەممەد دامەزرێنەرو یەكەم سەركۆماری كورد - بەرقەرار بێ ئامانجەكانی كۆماری كوردستان حیزبی دیموكراتی كوردستان دەفتەری سیاسی