به‌رنامه‌کانی روژ
شه‌ممه‌
هەواڵەکان12 / 1 / 2019
روانینی رۆژ12 / 1 / 2019
ژیان و خەبات12 / 1 / 2019
هەواڵەکان5 / 1 / 2019
روانینی رۆژ5 / 1 / 2019
اخبار5 / 1 / 2019
هەواڵەکان29 / 12 / 2018
یه‌ک شه‌ممه‌
دوو شه‌ممه‌
سێ شه‌ممه‌
چوار شه‌ممه‌
پێنج شه‌ممه‌
هه‌ینی
رادیۆ دەنگی کوردستان
بەرنامەی چوار شەممە ١٦٠١٢٠١٩
بەرنامەی سێ شەممە ١٥٠١٢٠١٩
بەرنامەی دوو شەممە ١٤٠١٢٠١٩
بڵاوکراوه‌کان
به‌یاننــــــا‌مه‌و راگه‌یه‌نراو
ڕاگەیەندراوی ناوەندیی هاوکاریی حیزبەکانی کوردستانی ئێران بەبۆنەی یەک ساڵەی دامەزرانیەوە
پەیامی پیرۆزبایی سکرتێری گشتیی حیزبی دێموکراتی کوردستان بەبۆنەی جێژنی کریسمەس و سەری ساڵی زایینی
هه‌ڵبژارده‌
رەنگاڵە
دیدگاە روز - ستاتوی کرد در سوریه‌ی آینده‌
پدیدە - بودجە سال ٩٨ و سهم مردم ایران قسمت نهم
روانینی رۆژ - ستاتووی کورد لە سووریەی داهاتوودا
هه‌واڵه‌کان
ڕێکخراوی مافی مرۆڤی کوردستان؛ شەڕی هێرشکارانە و داسەپاوی تورکیە بۆ سەر عەفرین ڕاگرن 12 / 3 / 2018

ڕێکخراوی داکۆکی لە مافی مرۆڤی کوردستان، بێدەنگی ڕێکخراوی نەتەوە یەکگرتووەکان و یەکێتی ئورووپا لە بەرانبەر هێرشی تورکیە بۆ سەر عەفرینی بە کارەسات ناوزەد کرد.

ڕێکخراوی داکۆکی لە مافی مرۆڤی کوردستان، لە بەیاننامەیەکدا داوا لە ناوەندەکان و کۆمەڵگای مافی مرۆڤ و داکۆکیکارانی مافی مرۆڤ لە سەرتاسەری جیهان دەکات بارودۆخی نالەباری خەڵکی گەمارۆدراوی شاری عەفرین لە بەرچاوبگرن.

لە بەشێکی ئەم بەیاننامەیەدا هاتووە:

نزیکەی پەنجا ڕۆژە کە ئەرتەشی تورکیە و گرووپە جیهادییەکانی سەر بەم وڵاتە، هێرشی هەمەلایەنەیان کردووەتە سەر کانتۆنی عەفرین لە باکووری سوریە "ڕۆژئاوا"، هێزە هاوبەشەکانی تورکیە و جیهادییەکان لە ڕێگەی زەوینی و ئاسمانییەوە تا ئێستا زیاتر لە هەزار تۆن بۆمب و مووشەك و گولەیان بەسەر خەڵکی بێدیفاعی عەفریندا باراندووە. بەپێی ڕاگەیەندراوی سەرچاوە سەربەخۆکان ژمارەیەک لە گوندەکان و شارەکانی کانتۆنی عەفرین لەلایەن هێزە هێرشکارەکانی تورکیەوە داگیرکراوە و خەڵکی ئەم شوێنانە ماڵەکانیان چۆڵ کردووە.
 زیاتر لە ٣٠٠ ژن و منداڵ و هاووڵاتی مەدەنی کوژراون و دەیان هەزار هاووڵاتی هەڵاتوون یان لەو ناوچانە، کە داگیرکراوە دەرکراون
.

خەباتکارانی کورد، پاش ئەوەی باکووری سوریەیان لە گرووپی دەوڵەتی ئیسلامی داعش پاک کردەوە و ئەم گرووپە تیرۆریستییەیان لە شاری ڕەقە وەدەرنا، ئەمەش تووڕەبوونی دەوڵەتی تورکیەی لێكەوتەوە.
 ئەم دەوڵەتە کە خەریکی پێگەیاندن و پشتیوانی نهێنی داعش بەهەژمار دێت، هەنووکە خۆی چووەتە گۆڕەپانی جەنگ و بەشێوەیەکی زۆر ڕقاوی خەڵکی مەدەنی و هێزە خەباتکارەکانی کوردی کردووەتە ئامانجی تۆپ و خومپارە و هێرشی بێڕەحمانە
.

ڕێکخراوی داکۆکی لە مافی مرۆڤ لەو بڕوایەدایە کە هێرشی وێرانکارانە و بێڕەحمانەی هاوبەشی ئەرتەشی ڕاسیزمی تورکیە و گروپە جیهادییە بونیادگەراکان و داعشی نوێ بۆ سەر عەفرین و خەڵکی کورد، هەوڵ و گەڵاڵەداڕێژەری ئەم دەوڵەتە بۆ لەناوبردنی سیستەمی خۆبەڕێوەبەری دەسەڵاتی ناوچەیی و لەناوبردنی بوونی کانتۆنە خۆبەڕێوبەرییەکان بە تەواوی نەژادپەرەستانە و هەوڵی لە ڕاستای جینایەتی پاکتاوی نەتەوەیی کورد لە باکووری سووریەدایە.

لە کۆتایی بەیاننامەکەی ڕێکخراوی داکۆکی لە مافی مرۆڤی کوردستان داوا لە ویژدانە نەنووستووەکانی جیهان دەکات کە سەرنجی جینایەتی ئەرتەشی هاوبەشی تورکیە و داعشی نوێ لە عەفرین بدەن و هەروەها بەشداری و هاودەستی هەندێک لە زلهێزەکان لە شەڕی ناوخۆیی سوریە و بێدەنگی کارەساتباری ڕێکخراوی نەتەوە یەکگرتووەکان و یەکیەتی ئەوروپا و چاوەدێرانی نێونەتەوەیی لەسەر ئەو ڕووداوە بانگ دەکات.