به‌رنامه‌کانی روژ
شه‌ممه‌
هەواڵەکان18 / 8 / 2018
سیمینار18 / 8 / 2018
گەشتەکانی ئەودیوی چیا18 / 8 / 2018
اخبار18 / 8 / 2018
هەواڵەکان11 / 8 / 2018
گۆرانی کوردی 11 / 8 / 2018
گەشتەکانی ئەودیوی چیا11 / 8 / 2018
یه‌ک شه‌ممه‌
دوو شه‌ممه‌
سێ شه‌ممه‌
چوار شه‌ممه‌
پێنج شه‌ممه‌
هه‌ینی
رادیۆ دەنگی کوردستان
بەرنامەی یەک شەممە ١٩٠٨٢٠١٨
بەرنامەی شەممە ١٨٠٨٢٠١٨
بەرنامەی پێنج شەممە ١٦٠٨٢٠١٨
بڵاوکراوه‌کان
به‌یاننــــــا‌مه‌و راگه‌یه‌نراو
پەیامی سکرتێری گشتیی حیزبی دێموکراتی کوردستان بەبۆنەی جێژنی قوربان
پەیامی ناوەندی هاوکاریی حیزبەکانی کوردستانی ئێران بە بۆنەی فەرمانی جیهادی خومەینی
هه‌ڵبژارده‌
٢٨ مرداد ماە سالگرد فتوای جهاد خمینی برعلیه مردم کردستان
پرسی رۆژ - ٢٨ی گەلاوێژ ساڵرۆژی فتوای خومەینی دژ بە بە خەڵکی کوردستان میوانی بەرنامە : مامۆستا حەسەن ئەمینی حاکم شەرعی خەڵک لە پارێزگای سنە
ویژە برنامە بە مناسبت ٢٨ مرداد
سمینارێک سەبارەت بە کاریگەریی دنیای مەجازی لەسەر ئاڵو گۆرەکانی کۆمەڵگا
هه‌واڵه‌کان
ڕێکخراوی کرێکارانی شۆڕشگێڕی ئێران (راە کارگر): تیرۆری قادر قادری بە توندی مەحکووم دەکەین 13 / 3 / 2018

سکرتاریای حیزبی دێموکراتی کوردستان لە ڕاگەیەندراوێکدا کە ڕۆژی ١٦ی ڕەشەمە بڵاوی کردووەتەوە، دەڵێ: "شه‌وی سێشه‌مه‌ له‌ سه‌ر چوارشه‌مه‌ ٦له‌سه‌ر ٧ی مارسی ٢٠١٨، (١٥ له‌ سه‌ر ١٦ی ڕه‌شه‌مه‌ی ١٣٩٦)، هاوڕێ قادر قادری، کادر و فه‌رمانده‌ی لێوه‌شاوه‌ی حیزبی دیموکراتی کوردستان که‌ به‌ ماشێنی خۆی به‌ سه‌ردانێک چووبووه‌ مێحوه‌ری بالیسان_چوارقوڕنه‌، به‌ داخه‌وه‌ دره‌نگانی شه‌و ده‌درێته‌ به‌ر ده‌سڕێژ و ته‌رمه‌که‌ی که‌ زیاتر له‌ ٢٠ گولله‌ی وێكه‌وتووه‌، له‌ ده‌وروبه‌ری ماشێنه‌که‌ی له‌ نزیک گوندی "هه‌رته‌لێ"‌ دۆزراوه‌ته‌وه‌."

لە ڕاگەیەندراوەکەی حیزبی دێموکراتی کوردستاندا ئەوەش هاتووە کە: " ئێمه‌ ڕێژیمی کۆماری ئیسلامیی ئێران و به‌کرێگیراوه‌کانی به‌ ئه‌نجامده‌ری تێرۆری ئه‌و تێکۆشه‌ره‌ی حیزبمان ده‌زانین."

تیرۆری قادر قادری دوابەدوای تیرۆری سەلاح رەحمانی، ئەندامی چالاکی حیزبی دێموکراتی کوردستانی ئێران و سەباح رەحمانیی کوڕی لە شاری هەولێری کوردستانی عێراق بوو کە ئەویش ئێوارەی رۆژی پێنجشەممە ١٠ی رەشەمەی ١٣٩٦ی هەتاوی ڕووی دا و؛ ئەمەش نیشانەی پەرەگرتنی کردەوە تیرۆریستییەکانی رێژیمی کۆماری ئیسلامیی ئێرانە دژ بە ڕێبەران و چالاکانی کوردی ئێرانیی نیشتەجێ لە هەرێمی کوردستانی عێراق.

ئێمە تیرۆری قادر قادری، کادر و فەرماندەی لێوەشاوەی حیزبی دێموکراتی کوردستان بە توندی مەحکووم دەکەین و هاوکات بە بۆنەی لەدەستدانی ئەو کادرە لێهاتووە کوردە، سەرەخۆشی لە بنەماڵەی قادری و حیزبی دێموکراتی کوردستان دەکەین.

بەدوای شکستی ڕێفراندۆمی هەرێمی کوردستان و ئەو قەیرانە سیاسییەی کە ئەو بابەتە بەدوای خۆیدا هێنای، دەستی مۆرە ئەمنیەتییەکانی ڕێژیمی کۆماری ئیسلامیی ئێران بۆ کردەوەی تیرۆریستی دژ بە هێزە کوردییە ئێرانییەکان ئاواڵاتر بووە، بۆیە وشیاریی هێزە کوردییە ئێرانییەکان بۆ پووچەڵکردنەوەی کردەوەی دەزگا ئەمنیەتییەکانی کۆماری ئیسلامی، زۆر لە جاران پێویستتر و زەرووریترە.

بزووتنەوەی کۆمۆنیستی و چەپی ئێران هەمیشە پیداگرترین بەرگریکاری مافی نەتەوە ژێردەستەکان بۆ خەباتی هاوبەش دژ بە ئیستیبدادی دەستەڵاتدار و کۆتاییهێنان بە زوڵم و هەڵاواردنی نەتەوەیی لە ئێراندا بووە.

لە ڕوانگەی رێکخراوی کرێکارانی شۆڕشگێڕی ئێران (راە کارگر)، چارەسەری کێشەی نەتەوایەتی، لە گرەوی کۆتاییهێنان بە ستەمی نەتەوەیی و هەڵوەشاندنەوەی سەرجەم هەڵاواردنە یاسایی و کردییەکانە لەسەر ئەساسی نەتەوە. گەرەنتی مافی نەتەوەکان و دیاریکردنی چارەنووسی خۆیان و بەرگری لە یەکیەتیی ئارەزوومەندانەی هەموو نەتەوەکانی نیشتەجێی ئێران و فیدرالیزمی ناوچەیی، گونجاوترین ڕێگە چارەیە بۆ پرسی نەتەوەیی لە ئێراندا.

بزووتنەوە نەتەوەییەکان لە ئێرانیش دەبێ بەدوور لە هەر چەشنە وەهم و گومانێک لە سەر دەسەڵاتە کۆنەپەرستەکانی زاڵ لە ناوچە و جیهان کە دەیانەوێ بە خراپ  کەلکوەرگرتن لە بزووتنەوە نەتەوایەتییەکان ئامانجەکانی خۆیان بەرنە پێشێ؛ هاوپەیمانەکانی خۆی لە نێو بزووتنەوە کرێکارییەکان و جووڵانەوەی شکۆداری ژنان و بزاوتە کۆمەڵایەتییە ڕوو لە گەشەکان لە ئێراندا بدۆزێتەوە هەر دێن و پەرە دەستێنن و خەویان لە چاوی حاکمییەتی کۆماری ئیسلامی تاراندوە.

بێگومان هەر ڕێگایەکی دی بە دەر لەو ڕووبارە شکۆمەندەی بەرەو ئازادی و دێموکڕاسی و ڕزگاریی کۆمەڵایەتی وەڕێ کەتووە، ئاکامەکەی ڕێ ونکردن و هەڵدێرانە.

بڕووخێ ڕێژیمی کۆماری ئیسلامی!

بژی ئازادی، دێموکراسی و سوسیالیزم!

 

هەیئەتی بەڕێوەبەریی رێکخراوی کرێکارانی شۆڕشگێڕی ئێران (راە کارگر)

هەینی ١٨ی رەشەمەی ١٣٩٦ بەرانبەر بە ٩ی مارسی ٢٠١٨