به‌رنامه‌کانی روژ
شه‌ممه‌
هەواڵەکان13 / 4 / 2019
روانینی رۆژ13 / 4 / 2019
کریڤۆ13 / 4 / 2019
گۆرانی کوردی 13 / 4 / 2019
بۆنه‌ و رێوره‌سمه‌کان13 / 4 / 2019
هەنگاو13 / 4 / 2019
اخبار13 / 4 / 2019
یه‌ک شه‌ممه‌
دوو شه‌ممه‌
سێ شه‌ممه‌
چوار شه‌ممه‌
پێنج شه‌ممه‌
هه‌ینی
رادیۆ دەنگی کوردستان
بەرنامەی یەک شەممە ٢١٠٤٢٠١٩
بەرنامەی شەممە ٢٠٠٤٢٠١٩
بەرنامەی هەینی ١٩٠٤٢٠١٩
بڵاوکراوه‌کان
به‌یاننــــــا‌مه‌و راگه‌یه‌نراو
راگەیەنراوی ناوەندی هاوکاریی حیزبەکانی کوردستانی ئێران بە بۆنەی بە تیرۆریست ناساندنی سپای پاسداران
پەیامی دەفتەری سیاسیی حیزبی دێموکراتی کوردستان بە بۆنەی ساڵرۆژی دامەزرانی یەکیەتیی لاوانی دێموکراتی ڕۆژهەڵاتی کوردستان
هه‌ڵبژارده‌
لێکەوتەکانی سێڵاو وبەڵێنی درۆی دەسەڵاتداران
بەرێوەچوونی سمیناری یەکێتی ژنانی دێموکراتی کوردستان لەوڵاتی ئاڵمان
كۆماندۆی تیرۆر
کاروانی شەهیدان
هه‌واڵه‌کان
ڕێژیمی ئێران ١١ بەندکراوی کوردی ئێعدام کرد 7 / 7 / 2018
حوکمی ئێعدامی ٨ هاووڵاتیی کوردی خەڵکی کرماشان کە بە تۆمەتی هێرش بۆسەر بینای مەجلیسی ئێران زیندانی کرابوون جێبەجێ کرا و هەروەها بەرپرسانی زیندانی ناوەندیی شاری ورمێش، حوکمی ئێعدامی ٣ هاووڵاتیی کوردیان لە زیندانی ئەو شارە ڕاگەیاند.
بەپێی هەواڵی سەرچاوە نێوخۆییەکان، بەرەبەیانی ئەمڕۆ حوکمی ئێعدامی ٨ هاووڵاتیی کورد لە تاران لەلایەن دەزگای دادوەریی ئێرانەوە جێبەجێ کراوە.
لە سێدارەدانی ئەو ٨ کەسە لە کاتێک دایە کە ڕۆژی ڕابردوو مووسا غەزەنفەرئابادی، سەرۆکی دادگای شۆڕشی تاران بە ماڵپەڕی حکوومەتیی "تەسنیم"ی ڕاگەیاندبوو: "حوکمی ئێعدامی ٨ تیرۆریستی داعشی کە لە هێرش بۆ سەر بینای مەجلیس و گۆڕی خومەینی ڕۆڵیان هەبووە، بە مەبەستی جێبەجێکردن ڕەوانەی دادستانی کراوە".
ئەو ٨ کەسە کە سەرجەمیان خەڵکی پارێزگای کرماشان، بە ناوەکانی سڵێمان موزەفەری، تەمەن ٥٥ ساڵ، کوڕی ڕەحمان و خەڵکی ڕوانسەر، ئیسماعیل سۆفی، تەمەن ٣٣ ساڵ، کوڕی مەجید و خەڵکی سەرپێڵی زەهاو، ڕەحمان بێهرووزی، کوڕی کەریم و خەڵکی سەرپێڵی زەهاو، سەید ماجێد مورتەزایی کوڕی حوسێن و خەڵکی پاوە، سیرووس عەزیزی تەمەن ٣٢ ساڵ، کوڕی عەبدولخالق و خەڵکی پاوە، ئەیووب ئیسماعیلی، تەمەن ٢٨ ساڵ، کوڕی حوسێن و خەڵکی سەلاسی باوەجانی، خوسرەو ڕەمەزانی میرئەحمەدی کوڕێ کاک ئەحمەد تەمەن، ٤٢ ساڵ و عوسمان بێهرووزی، تەمەن ٢٩ ساڵ و برای ڕەحمان بێهرووزی خەڵکی سەرپێڵ‌زەهاو لە زیندانی کرماشان ئێعدام کران.
بینای مەجلیسی شورای ئیسلامیی ئێران لە کۆتایی هاوینی ساڵی ڕابردوو هێرشێکی کرایە سەر و لەو هێرشەدا ١٧ کەس لە خەڵکی ئاسایی کوژران و ٥٠ کەسی دیکەش بریندار بوون.
بە پێی ئاماری تۆمارکراوی سەرچاوە هەواڵدەرییەکان پاش ئەو ڕووداوە زیاتر لە ٢٠٠ کەس لە هاووڵاتییانی کورد لەو پێوەندییەدا دەسبەسەر کران.
هەر لەو پێوەندییەدا و لە هەواڵێکی دیکەدا سەرلەبەیانی چوارشەممە ١٣ی پووشپەڕ، ٣هاووڵاتیی کورد بە ناوەکانی "گوڵی حاجیپوور"، لە بەندی ژنان، "محەممەد ڕەوشەنی و شەهباز ئیبراهیمی" لە زیندانی ناوەندیی شاری ورمێ ئیعدام کران.
ئەو ٣ هاووڵاتییە کوردە خەڵکی شارەکانی سەردەشت و ورمێ بوون، کە لە ڕۆژانی چوارشەممە و پێنجشەممە ئێعدام کراون.
میدیا و ڕاگەیاندنەکانی ڕەسمی و هێزی قەزاییی حکوومەتی ئیسلامی، تا ئێستاشی لەگەڵ بێ بە نیسبەت ئێعدامی ئەو کەسانە بێدەنگیان هەڵبژاردووەو هیچ هەواڵێک لەو پێوەندییەدا بڵاو نەکراوەتەوە.