به‌رنامه‌کانی روژ
شه‌ممه‌
هەواڵەکان13 / 4 / 2019
روانینی رۆژ13 / 4 / 2019
کریڤۆ13 / 4 / 2019
گۆرانی کوردی 13 / 4 / 2019
بۆنه‌ و رێوره‌سمه‌کان13 / 4 / 2019
هەنگاو13 / 4 / 2019
اخبار13 / 4 / 2019
یه‌ک شه‌ممه‌
دوو شه‌ممه‌
سێ شه‌ممه‌
چوار شه‌ممه‌
پێنج شه‌ممه‌
هه‌ینی
رادیۆ دەنگی کوردستان
بەرنامەی یەک شەممە ٢١٠٤٢٠١٩
بەرنامەی شەممە ٢٠٠٤٢٠١٩
بەرنامەی هەینی ١٩٠٤٢٠١٩
بڵاوکراوه‌کان
به‌یاننــــــا‌مه‌و راگه‌یه‌نراو
راگەیەنراوی ناوەندی هاوکاریی حیزبەکانی کوردستانی ئێران بە بۆنەی بە تیرۆریست ناساندنی سپای پاسداران
پەیامی دەفتەری سیاسیی حیزبی دێموکراتی کوردستان بە بۆنەی ساڵرۆژی دامەزرانی یەکیەتیی لاوانی دێموکراتی ڕۆژهەڵاتی کوردستان
هه‌ڵبژارده‌
لێکەوتەکانی سێڵاو وبەڵێنی درۆی دەسەڵاتداران
بەرێوەچوونی سمیناری یەکێتی ژنانی دێموکراتی کوردستان لەوڵاتی ئاڵمان
كۆماندۆی تیرۆر
کاروانی شەهیدان
په‌یامی هاوخه‌می و سه‌ره‌خۆشیی سکرتێری گشتیی حیزبی دیموکراتی کوردستان له‌سه‌ر ڕووداوه‌ دڵته‌زێنه‌که‌ی شاری سنه 13 / 7 / 2018

به‌ داخه‌وه‌ شه‌وی سێشه‌ممه‌ له‌ سه‌ر چوارشه‌ممه،‌ 19ی پووشپه‌ڕ له‌ ئاکامی خۆپێدادانی تانکێرێکی نه‌وتکێش به‌ ئوتووبووسێکی نه‌فه‌رهه‌ڵگر له‌ به‌رده‌م تێرمیناڵی گه‌وره‌ی شاری سنه‌دا، هه‌م بارهه‌ڵگره‌ نه‌وته‌کێشه‌که‌ و هه‌م ئوتووبووسه‌که‌ ئاوریان گرت و ئه‌وه‌ش بووه‌ هۆی گیانله‌ده‌ستدانی ژماره‌یه‌کی به‌رچاو له‌ خه‌ڵک و موسافیره‌کانی نێو ئوتوبووسه‌که‌. دیاره‌ ئه‌گه‌رچی ‌تا ئێستا ئاماره‌ ڕه‌سمییه‌کان باس له‌ کوژران و برینداربوونی 18 که‌س ده‌که‌ن، به‌ڵام به‌پێی قسه‌ی شایه‌تحاڵه‌کانی ڕووداوه‌که‌ و به‌هۆی گه‌وره‌یی کاره‌ساته‌که‌ ده‌بێ ژماره‌ی قوربانییانی ئه‌م ڕووداوه‌ له‌وه‌نده‌ زیاتریش بن.
ئه‌مه‌ یه‌که‌مجار نییه‌ ڕووداوی دڵته‌زێنی له‌و چه‌شنه‌ له‌ ڕێگاوبانه‌کانی کوردستان، به‌تایبه‌ت له‌ ڕێگه‌ی هاتوچۆی نه‌وتکێشه‌کان‌ له‌ هه‌رێمی کوردستانه‌وه‌ بۆ‌ ئێران ڕوو ده‌دا، که‌ هۆکاره‌‌ سه‌ره‌کییه‌که‌شی بۆ په‌ره‌نه‌سه‌ندنی کوردستان به‌تایبه‌ت پشتگوێخستنی ڕێگاوبانه‌کان ده‌گه‌ڕێته‌وه‌؛ به‌ڵام سه‌ره‌ڕای ناڕه‌زایه‌تیی به‌رده‌وامی خه‌ڵک و کۆمه‌ڵگه‌ی مه‌ده‌نی کوردستان، له‌لایه‌ن کاربه‌ده‌ستانی ڕێژیمه‌وه‌ هیچ ئاوڕێک له‌و گرفته‌ گه‌وره‌یه‌ نه‌دراوه‌ته‌وه‌.
چه‌ندپاته‌بوونه‌وه‌ی ئه‌م ڕووداوه‌ دڵته‌زێنانه‌ له‌ کوردستان ئه‌گه‌ر له‌ ته‌نیشت چه‌ند کاره‌ساتێکی دیکه‌ی وه‌ک ئاگرگرتنی دارستان و لێره‌واره‌کان و تێکدانی ژینگه‌ی کوردستانیان دابنێین، پێمان ده‌ڵێن که‌ ڕێژیمی کۆماری ئیسلامیی ئێران چه‌نده‌ به‌ چاوی نابه‌رپرسانه‌ و دوژمنکارنه‌ له‌ کوردستان، خه‌ڵکی کورد و ژینگه‌ی کوردستان ده‌ڕوانێ. ئێمه‌ وێڕای شه‌رمه‌زارکردنه‌وه‌ی سیاسه‌ت و ڕه‌فتاری نابه‌رپرسانه‌ی کۆماری ئیسلامی ده‌رحه‌ق به‌ خه‌ڵکی کوردستان و ژینگه‌ی کوردستان، جارێکی دیکه‌ پشتیوانیی خۆمان له‌ داوا و ناڕه‌زایه‌تییه ڕه‌وا‌کانی کۆمه‌ڵگه‌ی مه‌ده‌نیی کوردستان، به‌تایبه‌ت ئاوڕدانه‌وه‌ له‌ رێگاوبانه‌کان (که‌ له‌لایه‌ن خه‌ڵکه‌وه‌ به‌ جاده‌کانی مه‌رگ ناو ده‌برێن) ده‌رده‌بڕین.
به‌ ناوی حیزبی دیموکراتی کوردستانه‌وه‌ وێڕای ده‌ربڕینی هاوخه‌میی خۆمان سه‌باره‌ت به‌و کاره‌ساته‌ دڵته‌زێنه‌، پرسه‌ و سه‌ره‌خۆشی له‌ بنه‌ماڵه‌ی قوربانییانی ئه‌و ڕووداوه‌‌ و سه‌رجه‌م خه‌ڵکی شاری سنه و کوردستان‌ ده‌که‌ین.

سکرتێری گشتیی حیزبی دێموکراتی کوردستان
مسته‌فا مه‌ولوودی