به‌رنامه‌کانی روژ
شه‌ممه‌
هەواڵەکان20 / 10 / 2018
بۆنه‌ و رێوره‌سمه‌کان20 / 10 / 2018
دیدگاە روز 20 / 10 / 2018
بەرنامە تایبەتییەکان 20 / 10 / 2018
اخبار20 / 10 / 2018
سروودی شۆرشگێری 20 / 10 / 2018
هەواڵەکان13 / 10 / 2018
یه‌ک شه‌ممه‌
دوو شه‌ممه‌
سێ شه‌ممه‌
چوار شه‌ممه‌
پێنج شه‌ممه‌
هه‌ینی
رادیۆ دەنگی کوردستان
بەرنامەی یەک شەممە ٢١١٠٢٠١٨
بەرنامەی شەممە ٢٠١٠٢٠١٨
بەرنامەی هەینی ١٩١٠٢٠١٨
بڵاوکراوه‌کان
به‌یاننــــــا‌مه‌و راگه‌یه‌نراو
پەیامی ناوەندی هاوکاریی حیزبەکانی کوردستانی ئێران بۆ رێورەسمی چلەی شەهیدانی ۱۷ی خەرمانان
راگەیندراوی ناوەندی هاوکاریی حیزبەکانی کوردستانی ئێران سەبارەت بە مانگرتنی گشتی مامۆستایانی قۆتابخانەکان
هه‌ڵبژارده‌
پرسی رۆژ - چالاکی فەرهەنگی لە ئیلام و کرماشان میوانی بەرنامە : کاک ژاکان باران چالاکی فەرهەنگی - ئیلام
کۆریادی شەهیدانی قەڵای دیموکرات لە هەولێر بەشی ٣
دیدگاە روز - سال تحصیلی جدید و فصلی دیگر از محرومیت تحصیل به‌ زبان مادری
هێرشی مووشکەیی کۆماری ئیسلامی بۆسەر دەفتەری سیاسی حیزبی دێموکراتی کوردستان The.Iranin-missile-attack-on - the- headquarters - of- KDP-I
ڕاگەیەندراوی ناوەندی هاوكاریی حیزبەكانی كوردستانی ئێران بەبۆنەی ۲۹مین ساڵیادی تیرۆری د.قاسملوو و هاوڕێیانی لە ڤییەن 13 / 7 / 2018

كۆمەڵگەی كوردستان بەگشتی و كۆمەڵگەی سیاسیی كوردستانی ئێران بە تایبەتی یەكێ لە قوربانییەكانی تێرۆریزمی دەوڵەتیی كۆماری ئیسلامیی ئێرانە.

تێرۆریزمی دەوڵەتیی ڕێژیمی ئێران لە دژی كوردستان لە ساڵی ١٣٥٨ و لە دادگا چەند چركەییەكانی سادق خەڵخالییەوە دەستی پێكرد و هەتا ئێستاش گەورەترین مەترسیی سەر چالاكانی سیاسیی كوردستانی ئێران هەمان تێرۆریزمی دەوڵەتییە كە لە مێتۆدە نەگۆڕەكانی دەسەڵاتی تارانە.

لە ماوەی 4 دەیەی ڕابردوودا لە ڕێگەی جۆراوجۆرەوە لە درێژەی هەمان سیاسەتی تیرۆریسم هەوڵی لە خشتەبردنی كۆمەڵگەی كوردستان دراوە و هاوكات بە سەدان كەس لە تێكۆشەرانی حیزبی دێموكرات و سازمانی خەبات و كۆمەڵە و باقی هێز و لایەنە سیاسییەكان كەوتوونەتە بەر شاڵاوی تیرۆری ئاخوندەکانی ئێران و تیرۆری فیزیكی كران.  هەموو ئەو تاوانە نەبەخشراوانە بە بەرچاوی جیهان كرا و مخابن لە دونیای سات و سەودای ئابووریدا ئەو جینایەتانە دێزەبەدەرخۆنە كران و تاوانباران تا تاران ئیسكۆرت كران.

لە دەركەوتەكانی گۆڕینی سیاسەتی ئەمریكا لەڕاست ئێران ئاماژەدان بە تێرۆری نەمران دوكتور عەبدوڕەحمان قاسملوو  و  دوكتور سەعید شەرەفكەندی بەدەستی دەوڵەتی ئێران لەلایەن بەرپرسانی باڵای ئەمریكا بوو كە ئەوەش دەكرێ‌ وەك بەڵگەیەكی‌ تر لەسەر ئەوەی كە نەتەوەی كورد لە كوردستانی ئێران قوربانیی دەستی تێرۆریزمی دەوڵەتیی كۆماری ئیسلامیی ئێرانە لێی بروانرێ‌.

قۆناغی ئێستا لەوانەیە باشترین دەرفەت بێ بۆ زیندووكردنەوەی هەموو كەیسەكانی تێرۆری تێكۆشەرانی سیاسی لە كوردستانی ئێران و بە تایبەتی تێرۆری دكتۆر عەبدوڕەحمانی قاسملوو و دوكتور شەرەفكەندی و هاوڕێیانیان و هاوكات پێویستە و زەروورە بۆ بەرەڕووبوونەوە لەگەڵ تێرۆریزمی كۆماری ئیسلامی، هەموو وڵاتانی بەرپرس لە بەرانبەر ئاسایشی جیهانیدا، بەتایبەتی وڵاتانی ئورووپایی پێشێلكاریی مافی مرۆڤ لەلایان ڕێژیمی تاران و تێرۆریزمی دەوڵەتیی ئەو ڕێژیمە بۆ بەرژەوەندیی كورتخایەن نەخەنە پشتگوێ و؛ لەو چوارچێوەشدا بێدەنگی و بێهەلوێستیی تاهەنووكەی دەوڵەتی ئوتریش مەحكووم دەكەین  .

 

ناوەندی هاوكاریی حیزبەكانی كوردستانی ئێران، وێرای مەحكوومكردنی تێرۆریزمی دەوڵەتیی ڕێژیمی ئێران و تێرۆری ڤییەن، تێرۆریزمی دەوڵەتی لە دژی كوردستانی ئێران وەك دۆسیەیەكی كراوە سەیر دەكا و ئامادەیە لەگەڵ هەر دادگایەكی بێلایەن هاوكاری بكا بۆ ئەوەی دۆسیەی تێرۆریزمی دەوڵەتیی كۆماری ئیسلامی لە دژی كوردستان لەو دادگایەدا تاوتوێ بكرێ و، چیتر لە بێدەنگی جیهانیدا كەسایەتی و چالاكانی سیاسیی كوردستان لەلایەن ڕێژیمی دیكتاتۆریی ئێران تێرۆر نەكرێن.

 

ناوەندی هاوكاریی حیزبەكانی كوردستانی ئێران

20ی پووشپەڕی 1397ی هەتاوی