به‌رنامه‌کانی روژ
شه‌ممه‌
هەواڵەکان17 / 8 / 2019
کریڤۆ17 / 8 / 2019
اخبار17 / 8 / 2019
هەواڵەکان10 / 8 / 2019
فیلم و دیکومنت10 / 8 / 2019
کریڤۆ10 / 8 / 2019
هەنگاو10 / 8 / 2019
یه‌ک شه‌ممه‌
دوو شه‌ممه‌
سێ شه‌ممه‌
چوار شه‌ممه‌
پێنج شه‌ممه‌
هه‌ینی
رادیۆ دەنگی کوردستان
بەرنامەی چوار شەممە ٢١٠٨٢٠١٩
بەرنامەی سێ شەممە ٢٠٠٨٢٠١٩
بەرنامەی دوو شەممە ١٩٠٨٢٠١٩
بڵاوکراوه‌کان
به‌یاننــــــا‌مه‌و راگه‌یه‌نراو
٢٨ی گه‌ڵاوێژ یادی ٤٠ ساڵه‌ی فه‌رمانی جیهادی خومه‌ینه‌ و هێرش بۆ سه‌ر خه‌ڵكی ئازادیخوازی كوردستان
په‌یامی ده‌فته‌ری سیاسی به‌بۆنه‌ی ٧٤ ساڵەی دامه‌زرانی حیزبی دێموكراتی كوردستان
هه‌ڵبژارده‌
هەواڵەکان
دیداری حەوتوو - بابەت : ئاکامی فتوای خۆمەینی و چل ساڵ شەر دژی خەڵکی کوردستان میوانی بەرنامە :مەنسوور مروەتی کورد کاناڵ
شانۆی سەر شەقام (تۆڵە)
کاروانی شەهیدان
راگەیەنراوی ناوەندی هاوکاریی حیزبەکانی کوردستانی ئێران بە بۆنەی ٨ی مارس ڕۆژی جیهانی ژن 7 / 3 / 2019

ڕۆژی ٨ی مارس کە لەلایەن ڕێکخراوی نەتەوە یەکگرتووەکانەوە وەک ڕۆژی جیهانی ژن بەفەرمی ناسراوە، وەبیرهێنەری مێژوویەکی پڕ لە خەبات و تێکۆشانی ژنانە لە پێناو وەدیهێنانی ماف و ئازادییەکانیان لە جیهان دا.

بەبۆنەی ئەو ڕۆژە مێژوویەوە، ناوەندی ھاوکاری حیزبەکانی کوردستانی ئێران بەگەرمی پیرۆزبایی لە ژنانی جیهان بەگشتی و بەتایبەتی ژنانی کوردستان و ئێران، دەکا و لە هەوڵ و خەباتیان بۆ دابینکردنی ئامانجەکانیان، سەرکەوتنیان بۆ بە ئاوات دەخوازێ.

ژنانی ڕزگاریخوازی کورد باش دەزانن کە ئەو ژنانەی لە هێندێک لە وڵاتانی پێشکەوتووی جیهان بە بەشێک لە ئازادی و مافەکانیان گەیشتوون، ڕێگایەکی دوورودرێژ و پڕ لە قوربانییان بڕیوە بەبێ خەباتی شێلگیرانە بەرەنگاری زۆر بەربەست و کەندوکۆسپ بوونەوە.

ئەرکی ژنانی خەباتگێڕ و پێگەیشتووی کورد لە کۆماری ئیسلامی ئێران دا چەند هێندەی ژنانی وڵاتانی دیکە قورس و تاقەتبەرە. ژنی کورد هەم وەک نەتەوە لەژێر ستەم و سەرکوتی حکومەتی دایە و حاشا لە ماف و شوناسی دەکرێ و دەبێ بە حزووری چالاکانەی خۆی ئەرکی خۆی لە خەباتی نەتەوەیی بۆ ڕزگاری، بەجێ بگەیەنێ و هەم وەک ژن کە بە مرۆڤی پلە ٢ دادەنرێ و لە سەرەتایی ترین مافی ئینسانی و کۆمەڵایەتی خۆی بێبەشە و بێبەشییەکەی یاسامەند و نهادینە کراوە، دەبێ دژی چەوسانەوە و یاسا دواکەوتووەکانی ڕێژیمی کۆنەپەرستی کۆماری ئیسلامی دژ بە ژن بوەستێتەوە و خەبات بکا.

خەباتگێڕانی دێموکراتخواز و پێشکەوتووی کورد پێویستە بە کردەوە، بڕوا بە مافی ژن و هاوپێوەندی لەگەڵ ژن بسەلمێنن و هەر ئەوڕۆ بۆ دابینکردنی مافی یەکسان بۆ ژنانی کورد تێبکۆشن و چارەسەریی پرسی ژن و ڕێزگرتن لە مافی بەرابەر بۆ ژن، نابێ بکه‌وێته‌ به‌ر سێبه‌ری خه‌بات بۆ مافی نه‌ته‌وه‌یی و بۆ ڕۆژی دوای ئازادی ڕابگیرێ. سەلماندنی ماف و ئازادی ژن لە خەباتی نەتەوەیی بۆ ڕزگاری جیا ناکرێتەوە.

ئەو ڕاستیە سەلماوە کە خەباتی ڕزگاریخوازی نەتەوەیی بەبێ حزووری چالاکانەی ژنان بە مافی یەکسانەوە، ناتەواوە و سەرکەوتنی ئاستەم. خەباتی نەتەوەیی ناتوانێ خۆی لە هێزی کاریگەری هزری و کاریی و مودیرییەتی ژن لە ئاستی بەڕێوەبەریی و ڕێبەرایەتیدا، بێبەش بکا.

بێجگەلەوەش، کاتێک لە ساڵی ١٩٧٧ کۆبوونەوەی گشتی ڕێکخراوی نه‌ته‌وه‌ یه‌کگرتووه‌کان ٨ی مارسی وەک ڕۆژێکی جیهانی بۆ “مافی ژن و ئاشتی جیهانی” ڕاگەیاند، بە وردی بیری لە پێوەندیی ڕاستەوخۆی نێوان دابینکردنی ماف و ئازادی ژن لەلایەک و ئاشتی جیهانی لە لایەکی ترەوە، کردبۆوە. ئەوە بەو مانایەیە کە ئەو دیاردە و مافانە ئەگەرچی جیاوازن، بەڵام پێوەندیی ڕاستەوخۆیان بەیەکەوە هەیە.

ناوەندی ھاوکاری حیزبەکانی کوردستانی ئێران خۆی بە هاوڕێ و هاوخەباتی ژنانی کورد دەزانێ، ڕێز لە کار و تێکۆشانیان دەگرێ و بۆ گەیشتن بە ماف و ئازادی و ڕزگاریی لە هەرچەشنە چەوسانەوەیەک، سەرکەوتنیان بۆ بە ئاوات دەخوازێ.

ناوەندی ھاوکاری حیزبەکانی کوردستانی ئێران
٦ی مارسی ٢٠١٩