به‌رنامه‌کانی روژ
شه‌ممه‌
هەواڵەکان13 / 1 / 2018
روانینی رۆژ13 / 1 / 2018
تەوار13 / 1 / 2018
اخبار13 / 1 / 2018
یاده‌ وه‌رییه‌کان13 / 1 / 2018
هەواڵەکان6 / 1 / 2018
خۆپێشاندان6 / 1 / 2018
یه‌ک شه‌ممه‌
دوو شه‌ممه‌
سێ شه‌ممه‌
چوار شه‌ممه‌
پێنج شه‌ممه‌
هه‌ینی
رادیۆ دەنگی کوردستان
بەرنامە ی پێنج شەممە ١٨/٠١/٢٠١٨
بەرنامە ی چوار شەممە ١٧/٠١/٢٠١٨
بەرنامە ی سێ شەممە ١٦/٠١/٢٠١٨
بڵاوکراوه‌کان
به‌یاننــــــا‌مه‌و راگه‌یه‌نراو
بانگەواز :مەهێڵن کۆماری ئیسلامی ئێران، چی دیکە گیانی خۆپێشاندەرە بەندکراوان بستێنێ
کۆبوونەوەی کۆمیتەی ناوەندیی حیزبی دێموکراتی کوردستان بۆ هەڵسەنگاندی خۆپێشاندانەکان لە ئێران
هه‌ڵبژارده‌
دیداری تایبەتی کورد کاناڵ لە گەڵ سکرتێری گیشتی حیزبی دێموکراتی کوردستان
کاروانی شەهیدان
بانگەواز :مەهێڵن کۆماری ئیسلامی ئێران، چی دیکە گیانی خۆپێشاندەرە بەندکراوان بستێنێ
فراخوان :نگذارید جمهوری ‌اسلامی ‌ایران، بیش از این ناراضیان در بند را بە ‌قتل برساند
هه‌واڵه‌کان
هەڵبژاردن لەژێر دەسەڵاتی دیکتاتۆریی کۆماری ئیسلامی‌دا
سەعید سەعیدی
13 / 5 / 2017  روونە کە هەر ٦ بەربژێری خولی دوازدەی سەرۆک کۆماری لە ئێران لەبواری مافەکانی مرۆڤدا کارنامەیەکی رەشیان هەیە. هەروەها بەشێکی بەرچاو لە ئەندامانی شوورای شارەکان لە گەندەڵییەوە گلاون؛ و هیچکات نەماندیت لە کوردستانی ژێر ستەمیش ئەندام یان شوورای شار و گوندێک وەک ناڕەزایەتی لەبەرامبەر کوشتنی بەردەوام و سیستماتیکی کۆڵبەرانی کورددا دەنگی بێزاری هەڵبڕێت یان دەست لەکاربکێشێتەوە. هەروەها، لەئێرانی ژێردەسەڵاتی دیکتاتوریدا بە پێی دەستووری کۆماری ئیسلامی و فتواو حوکمی حکوومەتی هیچ ژنێک لەنیوەی کۆمەڵگەی ئێران مافی خۆپاڵاوتنی بۆ پۆستی سەرۆک کۆماری ئێران بەڕەوا نازانرێت. ئیستا ئەگەر پەیڕەوانی مەزهەبی سوننە و ئایین و ئایینزاکانی دیکەی ئێران لەم نیوەی کۆمەڵە زیاد بکرێت، لەدانیشتوانی هەشتا ملیۆنی ئێران چەندی مافی خۆپاڵاوتنی بۆ ئەم پۆستە هەیە؟ لێرەدا پرسیار ئەوەیە کە بۆچی سەڕەڕای ئەو هەمووە ستەم و بێ‌مافیەی کە بێ‌گومان هاووڵاتیانی ئێرانیش لێی ئاگادارن؛ بەشداری هەڵبژاردنەکان دەکەن و بەمجۆرە دەرفەتێک بە جەنایەتکارترین رژیمی هاوچەرخی ئێران دەدەن کە ئیددیعای رەوایەتی و مەشرووعیەت بکاو لە ستەمکاری بەردەوام بێت؟؟ ئایا بەشداریی هاووڵاتیانی ئێران لە هەڵبژاردنەکاندا لەپێناو پاراستنی دیموکراسی و مافەکانی مرۆڤ و سەروەری یاسا دایە؟ ئایا بەشداری کردنیان بۆ دابین بوونی دادپەروەری و دابەشکردنی دادپەروەرانەی داهات و سەروەت و سامان و دەرفەتەکانە؟ ئایا بەشداری کردنیان لەپێناو دابین بوونی ژیانێکی شایستە و خۆشگوزەرانی دایە؟ ئایا بەشداری کردنیان لەپێناو پاراستنی ئاسایشی سیاسی و کۆمەڵایەتی و پیشەیی و ... دایە؟ ئایا بەشداری کردنیان دەبێتە هۆی کۆتایی هێنان بە گەندەڵی و دزینی سەروەت و داهات و سامانی گشتی لەلایەن مافیاکان و ناوەندە سیاسی و مەزهەبی و نیزامی و ئەمنییەتییەکانی رژیمەوە؟ ئایا بەشداری کردنیان بۆ پاراستنی مافی پەنابەران و ژینگەپارێزییە؟ ئایا بەشداری کردنیان بۆ کەم کردنەوەو سڕینەوەی ئێعتیاد و بێکاری و حاشییەنشینی و سەدان دەردی کۆمەڵایەتی دیکەی خوڵقاوی دەستی دەسەڵاتدارانی کۆماری ئیسلامییە؟ ئایا بەشداری کردنیان هێمایە بۆ بەربەرەکانێ لە دژی تیرۆریزم و سەرچاوە فیکری و سیاسی و ئابوورییەکانی تیرۆر و تیروریزم و هەتا دوایی! ئەی کەواتە هۆکارەکانی بەشداری کردنی خەڵک لە هەڵبژاردنەکانی کۆماری ئیسلامی‌دا چیەو کامانەن؟؟