به‌رنامه‌کانی روژ
شه‌ممه‌
هەواڵەکان17 / 11 / 2018
ژیان و خەبات17 / 11 / 2018
اخبار17 / 11 / 2018
هەواڵەکان10 / 11 / 2018
دیدگاە روز 10 / 11 / 2018
هەنگاو10 / 11 / 2018
یاده‌ وه‌رییه‌کان10 / 11 / 2018
یه‌ک شه‌ممه‌
دوو شه‌ممه‌
سێ شه‌ممه‌
چوار شه‌ممه‌
پێنج شه‌ممه‌
هه‌ینی
رادیۆ دەنگی کوردستان
بەرنامەی یەک شەممە ١٨١١٢٠١٨
بەرنامەی شەممە ١٧١١٢٠١٨
بەرنامەی هەینی ١٦١١٢٠١٨
بڵاوکراوه‌کان
به‌یاننــــــا‌مه‌و راگه‌یه‌نراو
پەیامی دەفتەری سیاسیی حیزبی دێموکراتی کوردستان بۆ کۆنگرەی پارتی دێموکراتی پێشڤه‌رۆی کورد له‌ سوریه‌
پەیامی سکرتێری گشتیی حیزبی دێموکراتی کورستان بەبۆنەی جێژنی خاوەنکار
هه‌ڵبژارده‌
ژیان و خەبات - ژیان و خەباتی کاک قادر فەتحیان
دەقی وتەکانی د.ئاسؤ حەسەن زادە لە رێورەسمی دەورەی ٢٣٠ی سەرەتایی پێشمەرگە
دیداری حەوتوو - بزاڤی مەدەنی بزاڤێکی شوناسخواز میوانی بەرنامە : کاک ناسر باباخانی بەرپرسی ناوەندی لێکۆلینەوە ی رۆژهەڵاتی ناوەڕاست لە واشینگتون ( میراو )
روانینی رۆژ - چ بکرێ؟!
هه‌واڵه‌کان
بوومەلەرزەی کرماشان و داڕمانی تاران
سیاوەش خزری
4 / 12 / 2017

بە درێژایی مێژووی چەند دەیەی کۆماری ئیسلامی ئێران، ڕێبەرانی ئەو ڕژیمە دیکتاتۆرە بەردەوام لە هەوڵی نانەوەی شەڕ و ئاژاوەی ئایینی و مەزهەبی و نەتەوەیی بوون و هەن. کرماشان وەک گەورەترین شاری ڕۆژهەڵاتی کوردستان خاوەنی زۆرترین شوێنکەوتووی ئایینزای شیعەیە. ڕێژیمی ئێران کە خۆی بە خاوه‌نی جه‌مسه‌ری شیعه‌ له‌ دنیای ئیسلامدا ده‌زانێ و به‌ ڕه‌سمی نوێنەرایەتیی مەزهەبی شیعە لە دنیادا دەکا، وەک ناوچەیەکی جێی بایەخ سەیری کرماشان ده‌کا.

کۆماری ئیسلامیی ئێران هەمیشە هەوڵی داوە کەڵک لە هەست و سۆزی پێڕه‌وانی مەزهەبی شیعە لە کوردستاندا وەربگرێ له‌ شوناسی نه‌ته‌وه‌یی خۆیانیان ڕاماڵێ و بەرەو لای خۆی پەلکێشیان بکا، لە بەرامبەردا هێزە سیاسییه‌ نه‌ته‌وه‌یی و نیشتمانییه‌کانی ڕۆژهەڵات هەوڵی سڕینەوەی ئەو درزەیان داوە و بە بانگەشەی نەتەوەیی خۆیان توانیویانە هەستی مەزهەبی کاڵ و هەستی نەتەوەیی بەهێز و بەهێزتر بکەن. گوتاری حیزبه‌ سیاسییه‌کان و یه‌ک له‌وان حیزبی دێموکرات ئه‌وه‌یه‌ که‌ کێشه‌ی کورد له‌ ئێران به‌ سووننی و شیعه‌ و یارسان و ئاییزانه‌کانی دیکه‌ کێشه‌ی مافه‌ سیاسی و نه‌ته‌وه‌ییه‌کانه‌، نه‌ک ته‌نیا ئایینی.

وەک ئاماژەی تێکشکانی پلان و پیلانەکانی ڕژیمی ئێراندا دەبینین هەر ئێستا بە سەدان کەس لە شوێنکەوتووانی مەزهەبی شیعە لە ناوچەکانی کرماشان و ئیلام بێ لە بەرچاوگرتنی جۆر و ئینتیمای ئایینییان، له‌ ڕیزەکانی حیزبەکانی ڕۆژهەڵات، بە تایبەتی حیزبی دێموکڕاتی کوردستاندا چالاکیی سیاسی ده‌که‌ن و خەریکی خەبات و قوربانیدانن و هاوکات جووڵە و زیندوو بوونی کۆمەڵگای مەدەنی لە دەڤەرەش پێمان دەڵێ کە لە ئێستادا کرماشان و ئیلام خاوەنی بزاڤێکی گەورە و بەهێزی نەتەوەیین کە ئەگەر بتواندرێ ڕێکبخرێ و ڕێبەریی بکرێ دەبێتە یەکێ لە گەورەترین جوڵانەوە نەتەوەیی و نیشتیمانییەکانی کوردستان.

 بوومەلەرزەکه‌ی کرماشان و "هەرەوەزی نەتەوەیی" کوردانی ڕۆژهەڵات لە نێوخۆ و دەرەوەی وڵات سەلمێنەری ئەو ڕاستییەن کە کوردەکان نرخی نەتەوە و نیشتیمانی خۆیان دەزانن و بە هەرەوەز دەچنە هانای لێقەوماوانی بوومەلەرزەکە و ناهێڵن هاوخوێنەکانیان له‌و کاره‌ساته‌دا و له‌و وه‌رزیش تووش و سارده‌دا بە دیار بەرپرسانی تارانەوە چاوه‌ڕوان بن و چاویان له‌ ده‌ستی وان بێ، که‌ وه‌ک ئه‌رک و به‌رپرسایه‌تی، ئه‌وه‌ ئه‌رکی ده‌وڵه‌ت و داموده‌زگه‌ حکومییه‌کانه‌ به‌هانای خه‌ڵکه‌وه‌ بچێ.

وەدەست هاتنی خێرای خه‌ڵکی ڕۆژهه‌ڵاتی کوردستان به‌هه‌موو چینو توێژ و پێکهاته‌کان وایکرد هێزەکانی ڕژیم دەستەوەستان وەمێنن و بە حەبەساوی درەنگانێک بکەونە خۆ و هەوڵ بدەن دۆخەکە بە قازانجی خۆیان بشکێننەوە! ئەوە بوو کاتێک زانییان خه‌ریکه‌ ڕیسی 4 ده‌یه‌ سیاسه‌تی هه‌ڵاواردن و ئیدۆلۆژیکییان لێ ده‌بێته‌وه‌ خوری و کرماشانیان له‌کیس ده‌چێ، خێرا سەرکۆماری ئێران و پاشان خامنه‌یی، ڕێبەری ڕێژیم و زۆر لە بەرپرسانی دیکه‌ی حکومه‌ت خۆیان گه‌یانده‌ کرماشان و سەرپێڵ، بەڵام هەرچی کردیان قەول و بەڵێنەکانیان نەیانتوانی جێی بە کردەوەی هەرەوەزی نەتەوەیی و گەیشتنی لێشاوی یارمەتی کوردستانیان بگرێتەوە و نەشیانتوانی بە کاروانی ماشێنە مۆدێل بەرزەکانیان کەرامەتیان بگاتە هەیبەتی کاروانی سێ ئێف و تویوتا شڕەکانی کوردستان! لەوێدا بوو کە بوومەلەرزەکەی کرماشان تارانی هەژاند و تێکی ڕووخاند!

پرۆسەی هاوپێوه‌ندیی نیشتمانی و نه‌ته‌وه‌یی کورد لە ڕۆژهەڵاتدا لە ڕێوڕه‌سمی به‌ڕێکردن و ناشتنی ته‌رمی نەمر ئەبوبەکری مەعڕوفیدا گەیشتە لووتکەی خۆی و کوردەکان توانییان بە یەکگرتوویی و بێ پشتیوانی دەوڵەتی تاران شان بدەنە بەر ئەو ئەرکە قورس و پیرۆزە و هاوکات توانیشیان فەرهەنگێکی نوێی هەرەوەزی گشتی بێننە نێو کۆمه‌ڵگه‌ی کوردی و تەنانەت ئێرانیش. لە هەمووی گرینگتر ئەوە بوو کە هاوڵاتیانی کوردستان و ئێرانیش هیچ متمانە و باوەڕێکیان بە دامودەزگا و ناوەندەکانی ڕژیمی ئێران نەبوو و هاوکاری و یارمەتییەکانیان دەدایە دەست خەڵکی ئاسایی و کەسایەتی و چالاکانی نێوخۆ، شتێک کە هێندەیتر هەیمەنە و هەیبەتی ڕژیمی تارانی لەرزاند و وەک دەوڵەتۆکێکی بێ هێز مامەڵەی لە گەڵ تاراندا کرد.

 ئەوەی لە کرماشان کرا، وریایی و وشیاریی، تێگەیشتوویی و پێگەیشتوویی چالاکان و خەڵکی ڕۆژهەڵاتی کوردستانی نیشان دا و پێشانی داین کە کوردستان ئێستاش هەر پێشەنگە و نەک لە نەورۆزی جامانەکاندا، تەنانەت لە کۆست و کۆسپەکانیشدا دەتوانێ ڕێژیم وەلەرزە بێنێ و دەستەوەستانی بکا، هاوکاتیش بەهێزی بزاڤی نەتەوەیی کوردستان و لاوازی هێزی داگیرکەر بە چاوی بەرپرسانی ڕژیمی تاران بداته‌وه‌.

 ماوەتەوە بڵێین کە هەرەوەزی نەتەوەیی کوردستان توانی بە بوومەلەرزەی کرماشان، تاران بهەژێنێ و دایڕوخێنێ.