به‌رنامه‌کانی روژ
شه‌ممه‌
هەواڵەکان10 / 2 / 2018
دیداری تایبەت10 / 2 / 2018
ژیان و خەبات10 / 2 / 2018
اخبار10 / 2 / 2018
هەواڵەکان3 / 2 / 2018
وێنەکان دەدوێن3 / 2 / 2018
بۆنه‌ و رێوره‌سمه‌کان3 / 2 / 2018
یه‌ک شه‌ممه‌
دوو شه‌ممه‌
سێ شه‌ممه‌
چوار شه‌ممه‌
پێنج شه‌ممه‌
هه‌ینی
رادیۆ دەنگی کوردستان
بەرنامە ی سێ شەممە ١٣/٠٢/٢٠١٨
بەرنامە ی دوو شەممە ١٢/٠٢/٢٠١٨
بەرنامە ی یەک شەممە ١١/٠٢/٢٠١٨
بڵاوکراوه‌کان
به‌یاننــــــا‌مه‌و راگه‌یه‌نراو
په‌یامی سکرتێری گشتیی حیزبی دێموکراتی کوردستان بۆ کۆنگرەی پارتی دێموکراتی گه‌لان (H.D.P)
ڕاگەیەندراوی ناوەندی هاوکاریی حیزبەکانی کوردستانی ئێران لە سەر حوکمی ئێعدامی ڕامین حوسێن پەناهی
هه‌ڵبژارده‌
کاروانی شەهیدان
فیلم سینمایی موسیقی زیر زمینی
پرسی رۆژ - رووداوە سیاسییەکانی ئێران میوانی بەرنامە : کاک حەسەن شێخانی ئەندامی کۆمیتەی ناوەندی حیزبی دێموکراتی کوردستان
روانینی رۆژ - ئێران لە پرسی عەفرین دا
هه‌واڵه‌کان
لە هیچیان ناچێت...
کوێستان عومەرزادە
6 / 2 / 2018

ئەو لە هیچیان نەدەچوو!

بەژنی پڕ بو لە یاقوتی ژیان، چاوەکانی لە خەیاڵی ئەرخەوانی،

وشەکانی لە نەبات،

هەنگاوەکانی لە بەفرێکی گەرم گەرم!

سپێدەی لە مەستی خۆرەتاو

ئیوارەی لە یاسەمین

ئەو لە هیچیان نەدەچوو، نا...

هات سێبەری هەر هەموو سەوزاییەکانی ڕاو کرد

بۆنی عەتری باخەڵی هەر هەموو ئێوارەکانی ئەم شارەی

خستە فەقیانەکەی

چرپە چرپی باخچەی کۆکردەوە ژێر چەترەکەی

بێزاری بەسەر شانی مردندا

لار کردەوە

لە هیچیان نەدەچوو ئەو!

هێندە جوان و گەرم بوو

دەتگوت تەوارە خەم لێنیشتوەکەی نیشتیمانی منە

لە باوەشی خەیاڵدا ون دەبوو...

ئەو چەندە جیاواز بوو

جیاواز!

لە فڕیندا ڕەنگی لە هیچ پاسارییەک نەدەچوو

شەقەی باڵی دڵی دەلەراندەوە

گیانی دەخستە سەما

ئەو لە هیچیان نەدەچوو

لە تارمایەکی سپی دەچوو ئەو

بەسەر هێشووەکانی ئەویندا

چاوی دەتروکاند

 وەک شەوێکی تەنها و درێژ!

لە سێبەری بایەکی پر نمە باران دەچوو

لە فرمێسکی ڕوانینێکی نەرم

ئەو بۆنی مەراقی من و تۆ و دایکم

دەخاتە جانتاکەی

 پڕدەبێ لە شەکری پیکەنین

ئەو!

شەو تا سپێدە هێشووی نوور دەهۆنێتەوە

بەناو بەلەمە شکاوەکاندا

خەیاڵی دۆزینەوە ژیان دەبینێ

ئەو لە هیچمان ناچێ و لە هەر هەموومان نزیک!

لەگەڵ هەر هەموو بێدەنگیەکاندا

لە هیچیان ناچی لە نۆژن بونەوەدا

لەماڵی هەتاودا هەمیشە خەم دەتوێنێتەوە

نائومێدی بە ڕێژنەی باو

غەریبی بە سەراب دەسپێرێ

لە هیچیان ناچێت...

( لە ژمارەی ٧١٩ی”کوردستان”دا بڵاو بۆتەوە)