به‌رنامه‌کانی روژ
شه‌ممه‌
هەواڵەکان15 / 12 / 2018
بەرنامە تایبەتییەکان 15 / 12 / 2018
دیداری تایبەت15 / 12 / 2018
ژیان و خەبات15 / 12 / 2018
اخبار15 / 12 / 2018
هەواڵەکان8 / 12 / 2018
روانینی رۆژ8 / 12 / 2018
یه‌ک شه‌ممه‌
دوو شه‌ممه‌
سێ شه‌ممه‌
چوار شه‌ممه‌
پێنج شه‌ممه‌
هه‌ینی
رادیۆ دەنگی کوردستان
بەرنامەی دوو شەممە ١٧١٢٢٠١٨
بەرنامەی یەک شەممە ١٦١٢٢٠١٨
بەرنامەی شەممە ١٥١٢٢٠١٨
بڵاوکراوه‌کان
به‌یاننــــــا‌مه‌و راگه‌یه‌نراو
سپاس و پێزانینی حیزبی دێموکرات بۆ خەڵکی کوردستان
راگەیەندراوی ناوەندیی هاوکاری حیزبەکانی کوردستانی ئێران
هه‌ڵبژارده‌
دیداری تایبەت - رؤڵی ژنان لە ناو حیزبی دێموکرات دا میوانانی بەرنامە ; کاک عومەر باڵەکەی ئەندامی دەفتەری سیاسی حیزبی دێموکراتی کوردستان و خاتوو گەلاوێژ پەیرەوان پێشمەرگەی حیزبی دێموکراتی کوردستان و خاتوو خەدیجە پوورمەند پێشمەرگەی حیزبی دێموکراتی کوردستان
پەیامی بەشێک لە هۆگرانی حیزبی دێموکراتی کوردستان بەبۆنەی ٢٦ی سەرماوەز
لێدوانی بەشێک لە کادر و پێشمەرگەکانی حیزبی دێموکراتی کوردستان، لەبابەت ۲٦ی سەرماوەز بەشی ٦
لێدوانی بەشێک لە کادر و پێشمەرگەکانی حیزبی دێموکراتی کوردستان، لەبابەت ۲٦ی سەرماوەز بەشی ٥
هه‌واڵه‌کان
لە جیاتی خەڵاتێک : بۆ جووتە هونەرمەندی دەروەست شۆڕش ئاهی و بەیان سوهرابی
قادر وریا
8 / 10 / 2018

"شۆڕش"ێک، بووە بە فڵچە و پەڕەمووچ و نەخشێنەری مەتەرێزی خۆڕاگریی ڕێبەڕیی شۆرشێک.

 "بەیان"ێک، بووە بە سروەی بلاوێنی بەیانان و ئێواران و شەوانی قەڵای حەماسەی کۆلنەدان. بووە بە هەتوانی پنجە بریندارەکانی ڕۆزەکانی قەڵا و، برینپێچی نەمام و خەڵفە زامارەکانی ئوکالیپتووس و سەرو و ئەرخەوانە دەسنێژەکانی دوو ئازیز: سەلام و هاشم عەزیزی.

لە شاکاری دەست و پەنجە و هەستی ئاوێتە بە گەنجی ئێوە لە سەر دیواری قەڵای دێموکرات، میژوویەک دەخوێنمەوە پڕی گیانبازی وشانازی، پڕ نەوەستان، پڕ تێکۆشان و کۆڵنەدان. لە تابلۆکانتاندا هیوا دەبریسکێتەوە، شەفەقی ڕووناکی و ئازادیی سبەینێی نەتەوەکەم دەدرەوشێتەوە.

چەپک چەپک گوڵی "نەسرین" و شەبەنگ شەبەنگ تریفەی "سوهەیلا" و تەبەق تەبەق نەجابەت و بزەی میرزا برایم و میرزا ڕەحمانتان پێشکەش. خەندەی ساکاری هاشمی خاکی و سڵاوی سەرتوونیانەی فەرماندە کەریم سەقزی و، وەفای سەرسپیانەی حەمەی حەسەنپوورتان خەڵات. مەڵۆیەک شلێر و بەیبوون و چنووری سەرووی کێلێ و قەڵاتی شای چنراو بە دەستی پڕ لە پاکی و هێمنیی عوسمانی مامۆستا مەلامحەممەدتان، دیاری بێ. دەسرەی سەرچۆپیی مامە قالە، "ڕیشە"ی هەمیشە دەم بە پێکەنین و، بەستەی چنراو بە ساتبەساتی ٤٠ ساڵ پێشمەرگایەتیی مامە شێرکۆ و، قاقا و ئارەقەی ماندوویینەناسانە و، بەرامەی وەنەوشە و شەوبۆی "هاوڕێ"ی دایە مریەمتان پێشکەش.

سروودێکی پێشمەرگانە، کۆراسێک تێکەڵاو لە زیندوێتیی "جەماڵ"ی خۆشەویست، باوەڕی "پێشەوا"ی خۆنەویست، ئەدەب و نیانیی مەنسووری موحتەڕەم، ورەی "فاڕوق" و بەڵێنی "موختار"، کادۆی ساتەکانی خوڵقاندن و ڕەنگاندن و نەخشاندنی دیوار و حەوش و حەساری "قەڵا"تان بێ، ئەو قەڵایەی لە بەرزی و سەربەرزیدا، شان لە شانی هەڵگورد و قەندیل دەدا و نەیاران چاوی دیتنیان نییە.

"شۆڕش" و "بەیان"ە هونەرمەندەکەی شۆڕشە خوێناوییەکەی ڕۆژهەڵاتم!

قەڵای ئێوە، قەڵای ئێمە، قەڵای ئەوانەشە کە پەتی سێدارەی بێداد و بڵێسەی ئاگری ژینگە سووتێنان، گیانیان دەستێنێ. ئەوانیش لە تۆرەمەی قەڵانشینان و چیاییە پێشمەرگەکانن، ڕۆڵەی یەک خاک و نەتەوەن. گەردن و دڵی ئەوان و گیانی مەمانان، لێکتر جیا نین. با لە سەر دیواری قەڵای نەخشاومان بە دەستی ئێوە، هاواری بەندیی لە سەر ئازادی لە داردراو و، ژینگەپارێزی گیان هەڵکڕووزاو و، کۆڵبەری هەژاری بە ناحەقکوژراو، ئاوێتەی گوڕەی کۆڵنەدانمان بێ. بە ڕەنگێکی سوور، ئاڵ وەکوو خوێنی شەهیدەکانی هەرچی سەنگەری بەرگری و مانە، بنووسن :

"ئێرە قەڵایە، قەڵا هێمایە، هەتا ڕۆژهەڵات لە خەبات دابێ، قەڵای باوەڕمان قەت لە شکان نایە."