به‌رنامه‌کانی روژ
شه‌ممه‌
هەواڵەکان20 / 7 / 2019
روانینی رۆژ20 / 7 / 2019
وەک خۆی 20 / 7 / 2019
کریڤۆ20 / 7 / 2019
اخبار20 / 7 / 2019
لە ئینترنێەوە 20 / 7 / 2019
فیلم و دیکومنت13 / 7 / 2019
یه‌ک شه‌ممه‌
دوو شه‌ممه‌
سێ شه‌ممه‌
چوار شه‌ممه‌
پێنج شه‌ممه‌
هه‌ینی
رادیۆ دەنگی کوردستان
بەرنامەی دوو شەممە ٢٢٠٧٢٠١٩
بەرنامەی یەک شەممە ٢١٠٧٢٠١٩
بەرنامەی شەممە ٢٠٠٧٢٠١٩
بڵاوکراوه‌کان
به‌یاننــــــا‌مه‌و راگه‌یه‌نراو
ئه‌مه‌گناسیتان بۆ شه‌هید دوکتور قاسملوو هیوابه‌خشه!
سپاس و پێزانینی کۆمیسیۆنی تەشکیلاتی حیزبی دێموکراتی کوردستان پێوەندیدار بە چالاکییەکانی تایبەت بە یادی سی ساڵەی تێرۆری دوکتور قاسملوو
هه‌ڵبژارده‌
رێبازی قاسملوو، رێبازی حیزبی دێموکرات - رێکخراو، وەک چەکێکی هەرە گرینگ
پرسی رۆژ - داواکاریی چالاکانی سیاسی و مەدەنی لە ئێران بۆ دەست لە کار کێشانەوەی خامنەیی میوانی بەرنامە : عومەر باڵەکی ئەندامی دەفتەری سیاسی حیزبی دێموکراتی کوردستان
ڕێژوان - میوانی بەرنامە: هونەرمەند عومەر گەردی
روانینی رۆژ - ڕەشبگیری و پەلەقاژەی دەسەڵات
هه‌واڵه‌کان
چپەت لە گوێی جـ جەنازەمدا قەڵەشی ئاوێنەکانی زەوی زیاد دەکا
هەڵاڵە سۆهرابی
7 / 11 / 2018

ئەمڕۆ وەک هەموو ڕۆژەکانیتر کاتژمێر ٦و نیو وەخەبەر هاتم پێش ئەوەی بچم سەبا وەخەبەر بێنم و بەڕێیکەمەوە بۆ قوتابخانە دەستم برد بۆ موبایلەکەم و وەک عادەتی هەمیشەییم خێرا چوومە نێو فایلی یادداشتەکانی ڕۆژانەوە و بێ ئەوەی بیر لە ڕووداو یان شتێکی ناخۆش بکەمەوە ئەم ڕستەیەم یاداشت کرد:

« چپەت لە گوێی جـ جەنازەمدا قەڵەشی ئاوێنەکانی زەوی زیاد دەکا «

...  هەموو ئەوانە نیو سەعاتی خایاند هاتمەوە سەر موبایلەکەم و یەکەم هەواڵم بینی، تاسام. گریام 

نەمدەزانی چی بکەم

 

ئەو کاتانەی ژان گوشارم بۆ دێنێ 

پەنا دەبەم بۆ نووسین

ئێش و ئازار تلم دەدا پەنا دەبەم بۆ نووسین

تانە و تۆمەت و تەشەر دەمتاسێنێ، پەنا دەبەم بۆ نووسین

لای چەپم دەست دەکا بە زریکە 

پەنا دەبەم بۆ نووسین

دڵم دەبێتە بەرد 

دڵت دەبێتە بەرد 

دڵمان دەبێتە بەرد 

پەنا دەبەم بۆ نووسین

گریان چارەسەرم ناکا پەنا دەبەم بۆ نووسین

فەرمێسکەکانم ویشک دەبن پەنا دەبەم بۆ نووسین

تووڕە دەبم 

تووڕەم دەکەن 

پەنا دەبەم بۆ نووسین.

لە هیچ شوێنێک ئۆقرە ناگرم پەنا دەبەم بۆ نووسین

ئێستا کە بیر دەکەمەوە هەتااااااا هەر پەنامان بردووە بۆ نووسین

شک نابەم لەبێکاری و بێتاقەتیدا شێعر و چیرۆکمان نووسیبێ،

هەمیشە ڕەنجەکان بێ دەرەتان بوون

 

بەڵام مەخابن

ڕۆژێک دێت کە ئیتر تۆ نیت بنووسی

قامکەکانت بێدەنگ دەبن

سەرت لە لێدان دەکەوێ

ڕەنجەکان لە ناختدا دەنێژرێن

لای مرۆڤەکان دەبیتە یادەوەری

هەستەکانی ئەم وڵاتە دوای تۆ سەبووریی نایا

وشە سەبووریی نایا

چیرۆک سەبووریی نایا 

شێعر سەبووریی نایا

نووسین سەبووریی نایا

 

ڕۆژێک نەبین وشە بیرمان دەکا 

چیرۆک بیرمان دەکا

شیعر بیرمان دەکا 

نووسین بیرمان دەکا

 

مەرگ نەبێ

کێ دەتوانێ وشەمان لێ بستێنێتەوە و دابڕاومان کا لە نووسین... ها خاتوون؟

ئێمە کە تەنیا کەسمان وشەیە و وشەیە و وشە 

 

ئێستا خاتوون گیان ئەوە منم 

ئەو ژنەی لە مێژ بوو دڵی ببوو بە بەرد 

لەمێژ بوو پڕ ببوو لە پارادۆکس

لەمێژ بوو گەندەڵییەکانی دەسەڵاتداران و کارەساتە بەردەوامەکانی ئەم ڕۆژانە ڕێی خەمگینی بۆ نەهێشتبۆوە غەیری تووڕەیی و ڕقئەستووری نەبێ. ئێستا ئەوە منم دڵم توواوەتەوە و خەریکم دوای کۆچی تۆ بۆ تۆ دەنووسم بۆ هەموو ژنانی ڕووناکبیر و تێکۆشەر وا هەست بە ئازاری مرۆڤ دەکەن وا لە بەرانبەر چەوساوەیی و زوڵمدا بێ هەڵوێست نین و پێنووسیان چەکیانە.

کە یادت دەدرەوشێتەوە ئازیز!

١٤/٨/١٣٩٧        * لە فەیسبووکی شاعیر وەرگیراوە