به‌رنامه‌کانی روژ
شه‌ممه‌
هەواڵەکان15 / 6 / 2019
وتوووێژەکان 15 / 6 / 2019
کریڤۆ15 / 6 / 2019
لە ئینترنێەوە 15 / 6 / 2019
اخبار15 / 6 / 2019
گۆرانی کوردی 15 / 6 / 2019
هەواڵەکان8 / 6 / 2019
یه‌ک شه‌ممه‌
دوو شه‌ممه‌
سێ شه‌ممه‌
چوار شه‌ممه‌
پێنج شه‌ممه‌
هه‌ینی
رادیۆ دەنگی کوردستان
بەرنامەی شەممە ١٥٠٦٢٠١٩
بەرنامەی هەینی ١٤٠٦٢٠١٩
بەرنامەی پێنج شەممە ١٣٠٦٢٠١٩
بڵاوکراوه‌کان
به‌یاننــــــا‌مه‌و راگه‌یه‌نراو
پەیامی ناوەندی ڕاگەیاندنی حیزبی دێموکراتی کوردستان بەبۆنەی سی‌ونۆ‌مین ساڵوەگەڕی دامەزرانی ڕادیۆی دەنگی کوردستان
راگه‌یاندراو : به‌ڕێوەچوونی پلینۆمی یازده‌هه‌می کۆمیته‌ی ناوه‌ندیی حیزبی دێموکراتی کوردستا
هه‌ڵبژارده‌
دیداری تایبەت - بابەت : بارودۆخی سیاسی ئێران و ناوچە میوانی بەرنامە : عومەر ئیلخانی زادە سکرتێری کۆمەڵەی زەحمەتکێشانی کوردستان
بەرنامەی١٤ی کاکتووس
ڕوانینی رۆژ - پەیامی ناوەندی ڕاگەیاندنی حیزبی دێموکراتی کوردستان بەبۆنەی سی‌ونۆ‌مین ساڵوەگەڕی دامەزرانی ڕادیۆی دەنگی کوردستان
وەک خۆی - ٣٩ هەمین ساڵڕۆژی دامەزرانی ڕادیۆی دەنگی کوردستان
هه‌واڵه‌کان
بەرەو نەورۆزێکی دیکە لە خەباتی شوناسخوازیی نەتەوەیی
سمایل شەرەفی
13 / 3 / 2019

لە درێژەی کەڵک وەرگرتن لە دەرفەتەکان بۆ پێداگری لە سەر ویست و داخوازییە نەتەوەیی و نیشتمانییەکان و زیندووڕاگرتنی کلتوور و داب و نەریتی نەتەوەیی، رۆژهەڵاتی کوردستان لە بەستێنی نێوخۆیی خەباتی مافخوازانەدا کۆمەڵێک ئەزموونی باش و دەوڵەمەندی پاشەکەوت کردوە. یەکێک لەم دەرفەتانە کە بۆ ماوەی چەند ساڵێکە خەڵکی کوردستان بە شێوەیەکی تایبەت، لە پێناو پرسە گەورە نەتەوەییەکەدا کەڵکی لێ وەردەگرێت، هاتنی سەری سالی نوێ و نەورۆزی کوردەوارییە.

ئەگەر ٢٠ ساڵ پێش ئێستا خەڵکی کوردستان لە چوارچێوەی بنەماڵە و گرووپی چووک و لە بازنەیەکی زۆر بەرتەسکدا رێوڕەسمە نەورۆزییەکانیان بەڕێوە دەبرد، ئێستا نەورۆز و ڕێوڕەسمەکانی نەورۆز و سەری ساڵی نوێ، مانا و چوارچێوەیەکی بەررینتری لەخۆ گرتووە. ئێستا ئیدی نەورۆز لە کوردستان تەنیا بۆنەیەکی کلتووری نیە، بەڵکوو وەک بۆنەیەکی نەتەوەیی سەیر دەکرێ و لە ئاستێکی گشتی و جەماوەریدا، دەکرێتە دەرفەتێک بۆ گەیاندنی کۆمەڵێک پەیامی تایبەتی نەتەوەیی و شوناسخوازانە.

ئەم بۆنە نەتەوەییە وێڕای گەشە و پەرەسەندنی کۆمەڵگەی مەدەنی لە رۆژهەڵاتی کوردستان، ساڵ بەساڵ رێکخراوتر، پڕنێوەرتر و جەماوەریتر بەڕێوە دەچن. رێکخراوە مەدەنییەکان و چالاکان و تێکۆشەرانی بوارە جۆراوجۆرەکانی نێوخۆی وڵات کە لە وەڕێکخستنی رێوڕەسمە نەورۆزییەکاندا ڕۆڵی سەرەکی و بەرچاویان گێڕاوە، هەوڵیاندا بە بانگهێشتکردنی کەسایەتییەکانی کۆمەڵی کوردەواری، سپاردنی بەشی هونەریی ڕێوڕەسمەکان بە کۆڕ و گرووپە لێهاتووەکان و دەوڵەمەندکردنی نێوئاخنی رێوڕەسمەکان بە بەشداریکردنی هونەرمەندان و ئەدیبانی بەناوبانگ و هەروەها بە پێشکەشکردنی وتاری هەڵگری پەیامی نەتەوەیی وتاربێژانی دەروەست بە خاک و خەڵکی کوردستان، ئێعتبارێکی دیکە بەم رێوڕەسمانە بدەن. نێوەڕۆکی ئەو باس و بابەت و بەرهەمانەی کە لەم رێوڕەسمانەدا بڵاو دەبنەوە، هەر هەموویان دەکرێ لە چوارچێوەی ڕەوتی شوناسخوازانەی نەتەوەیی خەڵکی کوردستاندا خوێندنەوەی بۆ بکرێت کە بەشێکی دانەبڕاوە لە بزووتنەوە گەورە و بەربڵاوە نەتەوەییەکە.

گەورەترین و پڕماناترینی پەیامەکانی ئەم ڕێوڕەسمانە جیا لە هەڵوێست و بەگژداچوونەوەی ئەو فکر و سیاسەتە دژیگەلیانەی کە سیستماتێک و لە لایەن نیزامێکی دژ بە کوردی وەک کۆماری ئیسلامی ئێرانەوە بەڕێوە دەچن، “یەکڕیزی” و “یەکگرتوویی”ی نێو ماڵی خۆمان بووە. لەم ڕێوڕەسمانەدا پەیامی “پێکەوەبوون” و “یەکڕیزی” و وەلانانی دووبەرەکی و ناکۆکییەکان لە هەموو بەستێنەکاندا سەرەکیترین و زەرووریترین پەیام بووە. بۆیە ناوەندی هاوکاریی حیزبەکانی کوردستانی ئێران لە پایامێکی تایبەتدا بە بۆنەی نەورۆزی ئەمساڵەوە، داوای لە خەڵکی کوردستان کردوە کە بە بەرزکردنەوەی درووشمی؛ “یەکڕیزی و هاوکاریمان، رەمزی سەرکەوتنمانە”، پێشوازیی لە نەورۆزی ئەمساڵ بکەن و رێوڕەسمەکانی ئەم بۆنە نەتەوەییە لە ژێر ئەم درووشم و پایامەدا بەڕێوە بەرن.

هەر لەم پێوەندییەدا لە پایامەکەی ناوەندی هاوکاریی حیزبەکانی ڕۆژهەڵاتی کوردستاندا هاتوو کە؛ “ئەمساڵیش پێویستە ڕێوڕەسمەکانی نەورۆز لە ئاستێکی بەرینتردا، بە ناو و دروشم و هێمای تایبەتەوە، یەکگرتووانە بەڕیوە بچن و بکرێنەوە بە دەرفەتێک بۆ گەیاندنی کۆمەڵێک مانا و پەیامی نەتەوەیی و شوناسخوازانە.  بۆیە “ناوەندی هاوکاریی حیزبەکانی کوردستانی ئێران” هەر وەک لە لایەن کۆمەڵانی خەڵکی کوردستانەوە چاوەڕوانی لێ دەکرا، لەم پێوەندییەدا یەکگرتووانە و لە سۆنگەی گرینگیدان بە زەروورەتی “یەکریزی” و “پێکەوەبوون” لە هەموو ئاست و بەستێنەکاندا، داوا لە خەڵکی کوردستان بە هەموو چین و توێژەکانییەوە دەکات:

١- رێوڕەسمەکانی نەورۆزی ئەمساڵ لە ژێر ناوی “نەورۆزی سەمای ئازادی”دا بەڕێوە بچن.

٢-  با درووشمی سەرەکیی ڕێوڕەسمەکانی نەورۆزی ئەمساڵمان، “یەکریزی و هاوکاریمان، ڕەمزی سەرکەوتنمانە” بێت.

٣- لە ڕێوڕەسمەکان دا لە “جامانە، هەوری و گوڵی سوور”، کەڵک وەربگرین”.

کەوابوو لە هەر وەک لە پەیامی هاوبەشی حیزبەکانی رۆژهەڵاتی کوردستانیشدا هاتووە: با لە ڕێوڕەسمە نەورۆزییەکانی ئەمساڵدا بە لەملکردنی “جامانە و هەوری” و بەدەستەوەگرتنی “گوڵی سوور” و بەرزکردنەوەی درووشمی “یەکڕیزی و هاوکاریمان، رەمزی سەرکەوتنمانە”، “سەمای ئازادی” بکەین و بیسەلمێنین کە لە وەدستهێنانی ماف و ئازادییەکانی خۆمان وەک نەتەوەیەک بەردەوام و شێلگیرین.

 

#نەورۆزی_سەمای_ئازادیی
#هەوری_و_جامانە
#گوڵی_سوور